March 21, 2024
【會員投稿 – 後山仔】
後山仔：
全港最南嘅「蒲台島」最近都已經好少聽到人提起，唔知係唔係因為交通唔方便，所以少咗人去呢？不過蒲台島真係值得一去，果度一個地方可以滿足晒好多個願望。日落
、星空
、日出
全部都滿足到，CP值極高！
睇星嚟講，光害問題係呢到唔算嚴重，可以清楚咁樣睇到同影到星。再加上呢度仲有一個126燈塔可以做背景，要影靚相無難度！
但係交通不便真係一個問題😥每個星期二四六日同埋紅日先會有船到，所以想一次過體驗曬日落、星空、日出🌄🌌🌅？ 咁可以星期六日去就啱曬😍係碼頭附近仲有紫菜餐蛋麵食，啲紫菜係島上既居民落海採架😋
最後嘅溫馨提示，🍜要留意下如果過夜就一定要準備禦寒衣物，因為四面環海都真係好大風架。
本人我就最鐘意個燈塔啦😋😋你地呢？
難度：0.5/5
景色：5/5
交通：1/5
撰文：後山仔