【讓你高飛會長的話・一月】[同一個目光・同一個夢想]
4587
post-template-default,single,single-post,postid-4587,single-format-standard,ajax_fade,page_not_loaded,,select-child-theme-ver-1.0.0,select-theme-ver-3.1,popup-menu-slide-from-left,wpb-js-composer js-comp-ver-4.11.2.1,vc_responsive

【讓你高飛會長的話・一月】[同一個目光・同一個夢想]

【讓你高飛會長的話・一月】[同一個目光・同一個夢想]

 

 

太平山青年商會2020年的主題是「高飛緊握信仰」,這個句子在我而言有兩個意思。

第一,「高飛,記得緊握信仰」,希望無時無刻提醒我自己做任何事都必須緊握信念,緊握信仰,緊握拳頭地勇闖難關。
第二,「高飛時,記得緊握信仰」,希望太平山青年商會所有會員,當站穩陣腳想要高飛時,記得要緊握信仰,不要忘記初心。

太平山青年商會係我心目中係一塊草地,呢塊草地對我成長路上十分重要。由細到大,我都好鐘意踢波,所以呢一塊草地陪伴左我好多時間。係呢塊草地上面有開心過,興奮過,感動過,失望過,但令我最深刻既係大家成班戰友一齊征戰沙場,一齊戰鬥到底個種既團隊精神,個種既士氣,火。

做事一定要有火,有激情,你先可以感染其他人,有火你先會永不服輸咁埋頭苦幹。雖然係呢塊草地上面,會有人方向一致選擇加入,有人意見不合想離開,最重要唔係拎過幾多個獎,射入左幾多球。最緊要既係,呢塊草地就好似青商一樣,係場上大家負責唔同既崗位,互相合作,大家會有對等既機會,永遠係一個平台可以比你同你既團隊並肩作戰,發光發亮。你想做正選定後備,你想做主席定委員,全憑你自己既努力,全靠你自己既堅持。

今年無論社會,經濟,環境都面臨好大既挑戰,希望黎緊呢12個月,我地繼續係站係同一個舞台,維持同一個目光,感受同一個感動。